Eske sa deja rive w ou pran telefòn ou pou montre yon moun foto w, lè w antre nan galri a ou tonbe sou yon vye imaj? Oubyen eske sa deja rive wap tande mizik sou telefòn ou epi yon vye mizik monte ou pa menm konn kote l soti?
Lè w nan gwoup WhatsApp depi se foto, nòtvokal, mizik, videyo, dokiman yo voye nan group la al telechaje nan galri w. Sak fè sa? Pa defo WahtsApp konfigire foto, nòtvokal pou telechaje otomatikman yon fason pou pa pèdi filing konvesasyon an. Men sa konn deranje nou anpil lè nenpòt foto oubyen nòtvokal yo voye nan gwoup WhatsApp yo tou telechaje al stoke sou memwa telefòn nan. Non sèlman sa konsome megabayt men tou li pran espas. Nan atik sa a, nou pral montre w koman pou dezaktive telechajman otomatik foto ak lot medya yo sou WhatsApp.
Etap 1 : Ouvri WhatsApp, Tape sou Menu 
epi yon lis eleman ap deroule
Etap 2: Nan lis Menu ki deroule a, Tape sou Settings 
,
Etap 3 : Nan Settings, Tape sou Data and Storage Usage 
, se seksyon ki jere koze Espas estokaj ak megabayt WhatsApp itilize. Li baw posiblite pou deside koman pou l itilize yo.
Etap 4 : Nan Data and Storage Usage, wap we yon seksyon Media auto-download ki gen 3 sou-seksyon ladanl When using mobile data, When connected on Wi-Fi e When roaming.
When using mobile data, lè wap itilize data chwazi oubyen kwoche sa w vle k telechaje otomatik yo aprèsa fè OK
When connected on Wi-Fi, lè wap itilize Wi-Fi chwazi oubyen kwoche sa w vle k telechaje otomatik yo apresa fè OK
When roaming, lè wap itilize sèvis Roaming aletraje chwazi oubyen kwoche sa w vle k telechaje otomatik yo apresa fè OK
Ou trouve atik sa enteresan, pa vre ? Pataje l, l’ap itil yon lòt moun.
